Լրահոս / Հայտարարություններ
Լրագրողների վերապատրաստման դասընթացի ավարտը
13.03.2020
Մարտի 13-ին ՀՀ ԱԳՆ դիվանագիտական դպրոցում ավարտվեց լրագրողների վերապատրասման 2020թ. դասընթացը և տեղի ունեցավ ավարտական վկայականների հանձնման արարողությունը: Դասընթացը մեկնարկել էր ս․թ․ մարտի 2-ին ՀՀ ԱԳՆ լրատվության և հանրային դիվանագիտության վարչության նախաձեռնությամբ և Դիվանագիտական դպրոցի օժանդակությամբ։ Դասընթացի ժամանակ արտաքին քաղաքականությանն առնչվող մի շարք դասախոսություններով հանդես եկան ԱԳՆ համապատասխան ստորաբաժանումների ղեկավար պաշտոնյաներ և ոլորտի պատասխանատու այլ աշխատակիցներ:
Լրագրողներին ծրագրի մասնակցության վկայականներ հանձնեցին և ամփոփիչ խոսքով հանդես եկան Դիվանագիտական դպրոցի տնօրեն, դեսպան Վահե Գաբրիելյանը և լրատվության և հանրային դիվանագիտության վարչության պետ Սերոբ Բեջանյանը։ Նրանք շնորհավորեցին մասնակիցներին դասընթացը հաջողությամբ ավարտելու կապակցությամբ և հույս հայտնեցին, որ դասընթացի ընթացքում ձեռք բերված գիտելիքները կօգնեն նրանց իրենց հետագա մասնագիտական աշխատանքում։