Լրահոս / Հայտարարություններ
ԵՊՀ միջազգային հարաբերությունների ֆակուլտետի մի խումբ ուսանողների այցը Հայաստանի դիվանագիտական դպրոց
13.12.2019
Դեկտեմբերի 13-ին ՀՀ ԱԳՆ դիվանագիտական դպրոց այցելեցին ԵՊՀ միջազգային հարաբերությունների ֆակուլտետի մի խումբ ուսանողներ: Ուսանողները շրջայց կատարեցին Դիվանագիտական դպրոցում, ծանոթացան դպրոցի գործունեությանը, գրադարանին, հանդիպեցին Դիվանագիտական դպրոցի տնօրեն Վահե Գաբրիելյանին: Ողջունելով ուսանողներին՝ տնօրենը ներկայացրեց Դիվանագիտական դպրոցի «Միջազգային հարաբերություններ և դիվանագիտություն» ծրագիրը՝ նշելով, որ դպրոցի հիմնական նպատակներից մեկն է գործող դիվանագետներ պատրաստելը։ Պատասխանելով ուսանողների հարցերին՝ Դիվանագիտական դպրոցի տնօրենը հույս հայտնեց, որ համապատասխան գիտելիքների և վճռականության շնորհիվ նրանք կհամալրեն Դիվանագիտական դպրոցի սաների շարքերը: