Հունիսի 2-ին ՀՀ ԱԳՆ դիվանագիտական դպրոցում տեղի ունեցավ հանդիպում Դիվանագիտական դպրոցի տնօրենի ժամանակավոր պաշտոնակատար Տաթևիկ Պետրոսյանի և Թաֆթս համալսարանի Ֆլեթչեր իրավունքի և դիվանագիտության դպրոցի ներկայացուցիչներ՝ ուսումնական մասով դեկան, միջազգային քաղաքականության դասախոս և Ռազմավարական հետազոտությունների կենտրոնի տնօրեն Մոնիկա Թոֆթի և մասնագիտական կրթության հարցերով դեկանի օգնական Հիլարի Փրայսի միջև:

Հյուրերը շրջայց կատարեցին Դիվանագիտական դպրոցում, ծանոթացան ուսումնական և վերապատրաստման դասընթացներին: Հանդիպման ընթացքում կողմերը քննարկեցին երկու հաստատությունների միջև համագործակցության ուղղությունները: