Հուլիսի 6-ին Դիվանագիտական դպրոցում տեղի ունեցավ հանդիպում Հայաստանում ԵՄ պատվիրակության ղեկավար, դեսպան Անդրեա Վիկտորինի և «Միջազգային հարաբերություններ և դիվանագիտություն» դասընթացի ունկնդիրների միջև: ԵՄ պատվիրակության ղեկավարը խոսեց ԵՄ-Հայաստան հարաբերությունների, ԵՄ պատվիրակության գործունեության, Համապարփակ և ընդլայնված գործընկերության համաձայնագրի շրջանակներում Հայաստանում ընթացող բարեփոխումներին աջակցության մասին: Անդրադարձ կատարվեց նաև մարդու իրավունքների, հակակոռուպցիոն, գենդերային հավասարության և այլ հարցերի: